ငယ်ဘ၀ကို သတိရစေတဲ့ဟင်း

ကျမ ၄ နှစ်အရွယ် မူကြိုစတက်ရတော့ တာမွေ မူကြို (၅) မှာတက်ခဲ့ရတယ်။ ကလေးတွေရဲ့ အစားအသောက်ကို မူကြိုကျောင်းကပဲ တာဝန်ယူပါတယ်။ အိမ်က ထမင်းဘူးထည့်ပေးစရာမလိုဘူး။ မူကြိုမှာ နေ့လည်စာ ထမင်းနဲ့ ဟင်း ရယ်၊ ညနေပိုင်းဆိုရင်တော့ သံပုရာရည်နဲ့ ဘီစကွတ် လိုမျိုး၊ ဒါမှမဟုတ် နို့ဆန်ပြုတ် လိုမျိုးကိုကျွေးတတ်တယ်။ အဲဒီတုန်းကတော့ ဒီလိုပဲ သတိမထားပဲ စားခဲ့တယ်လို့ ထင်ခဲ့တယ်။

တနေ့တော့ အိမ်မှာ ငါးပတ်မွှေဟင်း ချက်တယ်။ အဲဒီဟင်းနံရတာနဲ့ ချက်ချင်းပဲ မူကြိုတုန်းက အချိန်တွေကို ပြန်ပြီးသတိရသွားတယ်။ ကိုယ့်ကိုယ်ကိုတောင် တော်တော်ထူးဆန်းသွားတယ်။ ဟုတ်တယ် မူကြိုတက်တုန်းက နေ့လည်စာကို ငါးပတ်မွှေနဲ့ အမြဲလိုလို ကျွေးတတ်တယ်။ ကျမ ငါးပတ်မွှေဟင်းကို ကြိုက်ပါတယ် (အရိုးနွှင်ပြီးသား မို့လို့လည်း ဖြစ်ပါလိမ့်မယ်) အဲဒါကြောင့် နောက်ပိုင်း ငါးပတ်မွှေကို မူကြိုဟင်းလို့ပဲ မှတ်ထားလိုက်ပြီး ကျမရဲ့ မူကြိုဘ၀ကို သတိရစေတဲ့ဟင်း ဖြစ်လာခဲ့တယ်။

ကျမ ငယ်ငယ်က အစားမမက်၊ အဆော့မက်တယ် (ခုတော့ ပြောင်းပြန်ပါ :P )။ လူကြီးတွေ သတိမပေးရင် အချိန်မှန် ထမင်းမစားပါဘူး။ အဲဒါကြောင့် အဒေါ်က အမြဲလိုလို ထမင်းလိုက်ခွံ့ရတယ်။ ကိုယ်တိုင်စားရင် ထည့်ပြီးသလောက် အပြင် ဘယ်တော့မှ ပိုမစားဘူး။ ခွံ့ကျွေးရင်တော့ ဘယ်လောက်ခွံ့ခွံ့ စားပါတယ်။ အဒေါ် ခွံ့ကျွေးသမျှထဲမှာ ထမင်းကို ငပိရည်နဲ့နယ်၊ ချဉ်ပေါင်ဟင်းရည်စမ်းပြီး ၀က်သား အစပ်နဲ့ ကျွေးခဲ့တာကို အမှတ်မိဆုံးနဲ့ အကြိုက်ဆုံးဟင်းပါပဲ။ ခုရန်ကုန်ပြန်ရင်လည်း အဲလိုခွံ့ခိုင်းပြီး စားဦးမယ်း)

ငယ်ငယ်က စားခဲ့ဖူးပေမယ့် ခုချိန်မှာ အဲလိုအရသာမျိုး စားခွင့်မရှိတော့တဲ့ အရာတွေလည်း ရှိသေးတယ်။ အရင်က ကျမတို့လမ်းထဲမှာ ဒေါ်နုဆိုတဲ့ ကုလားမကြီးရောင်းတဲ့ အကြော်ဆိုင်ရှိတယ်။ သူ့ဆိုင်မှာ အကောင်းဆုံး အကြော်ကတော့ အာလူးကသလစ် ပါပဲ။ သူကြော်တဲ့အာလူးကသလစ် လိုအရသာမျိုး ဘယ်မှာမှ မစားဖူးတော့ဘူး၊ ကိုယ်တိုင်ကြိုးစားကြည့်ပါသေးတယ် မတူပါဘူး။ အချဉ်ရည်ကလည်း မန်ကျီးသီး အချဉ်ရည်လေးနဲ့ပါ။ အိမ်မှာ ဟင်းမကြိုက်တဲ့နေ့ဆို သူ့ဆီက အကြော်သွားဝယ်ပြီး ထမင်းကို အချဉ်ရည်လေးနဲ့နယ်၊ အကြော်လေးနဲ့စားလိုက်ရရင် ဗိုက်ကိုတင်းသွားတာပဲ။ အခုတော့ သူအကြော်မရောင်းတော့ပါဘူး။ သားသမီးတွေအဆင်ပြေလို့ မြောက်ဥက္ကလာမှာ အိမ်ပိုင်လေးနဲ့ နေနေပါပြီ (ပြောင်းသွားတဲ့ နေရာမှာများ အကြော်ရောင်းဦးမလားလို့ လိုက်စုံစမ်းထားတာပါ ;) )

တာမွေမှာနေတဲ့လူတွေဆိုရင်တော့ ရာပြည့်ဈေးကို သိပါလိမ့်မယ်။ ကျမကို မမွေးခင်ကတည်းက အဲဒီဈေးဘေးမှာရောင်းတဲ့ ဆိုင်လေးဆိုင်ရှိတယ်။ လေးဆိုင်လုံး ကျမအကြိုက်တွေချည်းပါပဲ။ ဆိုင်တွေကတော့ ငရုတ်ကောင်းမုန့်ဟင်းခါးဆိုင်၊ ၀က်ခြေထောက်စွတ်ပြုတ်ဆိုင်၊ ဆီချက်နှင့် ဆန်ပြုတ်ဆိုင်၊ အစုံသုတ်ဆိုင် တွေပါ။ အဲဒီဆိုင်တွေထဲမှာ ခုလက်ရှိ သုံးဆိုင်ပဲရှိပါတော့တယ်။ အစုံသုတ်ဆိုင် မရှိတော့ပါဘူး။ အစုံသုတ်ဆိုင် ဆိုင်ရှင် နာမည်က ဒေါ်သန်းရီမို့ ကျမတို့က ဒေါ်သန်းရီအသုတ်စုံဆိုင်လို့ ခေါ်တယ်။ ထမင်းနီနီလေးတွေ၊ ကျောက်ပွင့်လေးတွေနဲ့ ရှောက်ရွက်အုပ်ထားတဲ့ အသုတ်စုံလိုမျိုးကို ကြာဇံဟင်းခါး ကျဲကျဲလေးနဲ့ တွဲပေးတတ်တယ်။ အဲလိုအသုတ်မျိုး ဗိုလ်ချုပ်ဈေးမှာရသေးပေမယ့် အရသာကတော့ ဒေါ်သန်းရီအသုတ်နဲ့ မတူပါဘူး။ တခါတလေ အိမ်မှာ ကျမတယောက်တည်း ‘ဒေါ်သန်းရီရေ ဆိုင်ပြန်ဖွင့်ပါတော့’ ဆိုပြီး အော်နေတတ်တယ်း) ။ အခွင့်သာရင်တော့ ဒေါ်သန်းရီရဲ့ အစုံသုတ်နဲ့ ကြာဇံဟင်းခါးလေး စားချင်ပါသေးတယ်။

မေကဆုန်ရေ ဒီလောက်နဲ့ ကျေနပ်ပေးပါ။ ဆက်ရေးရင် မြန်မာပြည်က အစားအစာတွေ လွမ်းလွန်းလို့ မျက်ရည်တောက်တောက် ကျရပါတော့မယ်…