ရောထွေး ပြစ်တင်မှု

တချို့လူတွေက လူတယောက်ကို အပြစ်တင် ဝေဖန်တော့မယ်ဆိုရင် ဆိုင်တာရော မဆိုင်တာရော ရောထွေးပြီး အပြစ်တင်တတ်ကြပါတယ်။ ခုတလော စိတ်ဘ၀င် မကျချင်စရာ စကားတခုကို ပတ်ဝန်းကျင်မှာ ခဏ ခဏ ကြားနေရတယ်။
"ထိုင်လိုက်တဲ့တရား ပြီးရင် လုပ်တော့တလွဲ"
"သူ့လောက်ဘုရားရှိခိုးတာမရှိဘူး ခုကျတော့ တရားကိုမရှိဘူး"
စသည်ဖြင့် မကြာမကြာ ကြားနေရတယ်။ လူတယောက်ကို ဝေဖန်ချင်တယ်ဆိုရင် အဲဒီလူကို၊ အဲဒီအပြစ်ကို တိုက်ရိုက်ဝေဖန်လို့ရပါတယ်။ အပြစ်တင်လို့ရပါတယ်။ ဒါပေမယ့် သူလုပ်တဲ့ ဘာသာရေးကို နင်းပြီး အပြစ်တင် ဝေဖန်တာကိုတော့ လက်မခံပါဘူး။

ဘုရားရှိခိုးနေတဲ့အချိန်၊ တရားထိုင်နေတဲ့အချိန် ခဏလေးမှာ တကယ်ကို ယုံကြည်တဲ့ စေတနာ သဒ္ဒါတရားနဲ့လုပ်နေတာဖြစ်နိုင်ပါတယ်။ ဒါပေမယ့် ဘုရားရှိခိုးပြီးတဲ့ အချိန်၊ တရားထိုင်ပြီးတဲ့အချိန်မှာ သူဟာ အပြစ်လုပ်မိချင်လုပ်မိမယ်။ ဒါဟာ တရား မပြည့်ဝသေးသူ၊ အရိယာ မဖြစ်သေးတဲ့ သူတိုင်း လုပ်မိနေမှာပါ။ အဲဒီ အချိန်နှစ်ခုကို ခွဲခြားပြီး မြင်တတ်စေချင်တယ်။ တရား ၁၀ ရက်လောက် ထိုင်ရုံနဲ့ တော့ တသက်လုံးသူတော်ကောင်းကြီး ဖြစ်ရမယ်လို့ မသတ်မှတ်ထားပါဘူး။ အဆုံးစွန်ထိဆိုရင် တရားထိုင်တယ်ဆိုပြီး ဘုရားစင်ရှေ့ အိပ်နေဦးတော့ ဘာသာရေးကို ခုတုံးလုပ်ပြီး အပြစ်မတင်သင့်ပါဘူး။ ဗုဒ္ဓဘာသာ အတွက်မှ မဟုတ်ပါဘူး ဘယ်ဘာသာ အတွက်ဖြစ်ဖြစ်ပါ။

ဘုရားတရားလုပ်တဲ့အချိန်လုပ် ပြီးရင် အကုသိုလ်လုပ်လို့ရတယ်လို့ လည်းမဆိုလိုပါ။ တရားထိုင်တိုင်း တရား ရချင်မှရမယ်။ ဒါပေမယ့် သူ့ကို တရားရဖို့ ကြိုးစားနေတဲ့သူအဖြစ် မြင်ပေးစေချင်တယ်။

သူဟာ ပန်းတိုင်မရောက်သေးသရွေ့တော့ အကြိမ်ကြိမ်လဲကျနေပါဦးမယ်။ သူလဲကျတာကိုကြည့်ပြီး ကိုယ်သွားရမယ့် လမ်းကို မနှောင့်နှေးပါစေနဲ့ လို့ ဆုတောင်းလိုက်ပါတယ်။